ਆਕਲੈਂਡ ਵਾਸੀ ਘਰਾਂ ਨੂੰ ਨਾ ਵੇਚਣ ਦਾ ਫੈਸਲਾ ਲੈਣ ਲੱਗੇ

ਬੀਤੇ ਕੁਝ ਮਹੀਨਿਆਂ ਤੋਂ ਲਗਾਤਾਰ ਠੰਢੀ ਪਈ ਰੀਅਲ ਅਸਟੇਟ ਦੇ ਨਤੀਜੇ ਵਜੋਂ ਆਕਲੈਂਡ ਵਿੱਚ ਘਰਾਂ ਦੇ ਮਾਲਕਾਂ ਨੇ ਹੁਣ ਆਪਣੇ ਘਰ ਘੱਟ ਮੁੱਲਾਂ ‘ਤੇ ਨਾ ਵੇਚਣ ਦਾ ਫੈਸਲਾ ਲਿਆ ਹੈ। ਕਰੀਬ 35% ਲਿਸਟਿੰਗਸ ਬੀਤੇ ਕੁਝ ਸਮੇਂ ਵਿੱਚ ਇਸੇ ਕਾਰਨ ਖਤਮ ਹੋ ਗਈਆਂ ਹਨ, ਕਿਉਂਕਿ ਘਰਾਂ ਦੇ ਮਾਲਕ ਮਹਿੰਗੇ ਮੁੱਲਾਂ ‘ਤੇ ਖ੍ਰੀਦੇ ਘਰਾਂ ਨੂੰ ਮੁੱਲ ਸੁੱਟਕੇ ਨਹੀਂ ਵੇਚਣਾ ਚਾਹੁੰਦੇ। ਨਾ ਸਿਰਫ ਆਕਲੈਂਡ ਬਲਕਿ ਨਾਰਥਲੈਂਡ ਵਿੱਚ ਵੀ ਹਾਲਾਤ ਅਜਿਹੇ ਹਨ, ਜਿੱਥੇ ਬੀਤੀ ਅਕਤੂਬਰ ਤੋਂ ਮਾਰਚ ਤੱਕ ਦੇ 6 ਮਹੀਨਿਆਂ ਵਿੱਚ ਲਿਸਟ ਹੋਈਆਂ 2128 ਪ੍ਰਾਪਰਟੀਆਂ ਵਿੱਚ ਰੀਅਲ ਅਸਟੇਟ ਐਜੰਟ ਸਿਰਫ 969 ਹੀ ਵੇਚ ਸਕੇ। ਮਾਹਿਰਾਂ ਦੀ ਮੰਨੀਏ ਤਾਂ ਘਰਾਂ ਦੇ ਮੁੱਲਾਂ ਵਿੱਚ ਮੰਦੀ ਦਾ ਦੌਰ ਅਜੇ ਕੁਝ ਸਮਾਂ ਹੋਰ ਜਾਰੀ ਰਹੇਗਾ।