ਰੂਸ-ਯੂਕਰੇਨ ਯੁੱਧ (Russia Ukraine War) ਦੇ ਵਿਚਕਾਰ, ਵਲਾਦੀਮੀਰ ਪੁਤਿਨ (Vladimir putin) ਦੀ ਅਗਵਾਈ ਵਾਲੀ ਰੂਸੀ ਸਰਕਾਰ ਨੇ ਜਰਮਨ ਕਰਮਚਾਰੀਆਂ ਨੂੰ ਰੂਸ ਛੱਡ ਕੇ ਜਰਮਨੀ (Germany) ਵਾਪਸ ਜਾਣ ਲਈ ਕਿਹਾ ਹੈ। ਪੁਤਿਨ ਸਰਕਾਰ ਦਾ ਇਹ ਫੈਸਲਾ ਅਜਿਹੇ ਸਮੇਂ ਆਇਆ ਹੈ ਜਦੋਂ ਜਰਮਨੀ ਸਮੇਤ ਕਈ ਯੂਰਪੀ ਦੇਸ਼ ਯੂਕਰੇਨ ਦਾ ਸਮਰਥਨ ਕਰ ਰਹੇ ਹਨ ਅਤੇ ਰੂਸ ਦੇ ਖਿਲਾਫ਼ ਵਪਾਰਕ ਪਾਬੰਦੀਆਂ ਲਾ ਚੁੱਕੇ ਹਨ।
ਜਰਮਨ ਸਰਕਾਰ ਨਾਲ ਜੁੜੇ ਸੂਤਰਾਂ ਅਨੁਸਾਰ ਰੂਸ ਵਿਚ ਕੰਮ ਕਰ ਰਹੇ ਸੈਂਕੜੇ ਜਰਮਨ ਸਿਵਲ ਸੇਵਕਾਂ ਨੂੰ ਰੂਸ ਛੱਡਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਨਿਊਜ਼ ਏਜੰਸੀ ਏਐਫਪੀ ਨੇ ਜਰਮਨ ਅਧਿਕਾਰੀਆਂ ਦੇ ਹਵਾਲੇ ਨਾਲ ਸ਼ਨੀਵਾਰ 28 ਮਈ ਨੂੰ ਇਹ ਜਾਣਕਾਰੀ ਦਿੱਤੀ। ਦੱਸਿਆ ਜਾ ਰਿਹਾ ਹੈ ਕਿ ਰੂਸ ਦੇ ਇਸ ਫੈਸਲੇ ਕਾਰਨ ਸਿੱਖਿਆ ਅਤੇ ਸੱਭਿਆਚਾਰਕ ਖੇਤਰ ‘ਚ ਕੰਮ ਕਰਨ ਵਾਲੇ ਸੈਂਕੜੇ ਜਰਮਨ ਸਿਵਲ ਅਧਿਕਾਰੀਆਂ ਨੂੰ ਰੂਸ ਛੱਡਣਾ ਪਵੇਗਾ।
ਜਰਮਨੀ ਨੂੰ ਆਪਣੇ ਕੂਟਨੀਤਕ ਸਟਾਫ ਨੂੰ ਘਟਾਉਣਾ ਚਾਹੀਦਾ ਹੈ ਤੇ ਜਰਮਨ ਕਰਮਚਾਰੀਆਂ ਨੂੰ ਜਨਤਕ ਸੰਸਥਾਵਾਂ ਜਿਵੇਂ ਕਿ ਮਾਸਕੋ ਵਿੱਚ ਗੋਏਥੇ ਇੰਸਟੀਚਿਊਟ ਸੱਭਿਆਚਾਰਕ ਸੰਸਥਾ ਅਤੇ ਜਰਮਨ ਸਕੂਲਾਂ ਤੋਂ, ਰੂਸੀ ਅਧਿਕਾਰੀਆਂ ਦੁਆਰਾ ਜੂਨ ਦੀ ਸ਼ੁਰੂਆਤ ਤੱਕ ਹਟਾ ਦੇਣਾ ਚਾਹੀਦਾ ਹੈ।
