ਗੂਗਲ ਬਾਰਡ ਚੈਟਬਾਟ ਦੀ ਵਰਤੋਂ ਕਰਦੇ ਹੋਏ ਕੀ ਤੁਸੀਂ ਵੀ ਜਵਾਬ ਪ੍ਰਾਪਤ ਕਰਨ ਵਿੱਚ ਦੇਰੀ ਮਹਿਸੂਸ ਕੀਤੀ ਹੈ? ਜੇਕਰ ਹਾਂ, ਤਾਂ ਗੂਗਲ ਬਾਰਡ ਦਾ ਇਹ ਨਵਾਂ ਅਪਡੇਟ ਤੁਹਾਡੇ ਲਈ ਫ਼ਾਇਦੇਮੰਦ ਹੋ ਸਕਦਾ ਹੈ। ਹੁਣ ਜੇਕਰ ਤੁਸੀਂ ਬਾਰਡਰ ਤੋਂ ਕੋਈ ਸਵਾਲ ਪੁੱਛਦੇ ਹੋ ਤਾਂ ਤੁਹਾਨੂੰ ਸਕਿੰਟਾਂ ਵਿੱਚ ਜਵਾਬ ਮਿਲ ਜਾਵੇਗਾ।
ਜੀ ਹਾਂ, ਗੂਗਲ ਨੇ ਆਪਣੇ ਚੈਟਬਾਟ ਨੂੰ ਲੈ ਕੇ ਇਕ ਨਵਾਂ ਬਦਲਾਅ ਕੀਤਾ ਹੈ। ਓਪਨਏਆਈ ਦੇ ਚੈਟਬਾਟ ਚੈਟਜੀਪੀਟੀ ਦੀ ਤਰ੍ਹਾਂ ਹੀ ਗੂਗਲ ਬਾਰਡ ਵੀ ਹੁਣ ਰਿਅਲ ਟਾਈਮ ’ਚ ਜਵਾਬਾਂ ਨੂੰ ਤਿਆਰ ਕਰ ਸਕੇਗਾ।
ਦਰਅਸਲ, ਗੂਗਲ ਬਾਰਡ, ਇੱਕ ਲਾਰਜ ਲੈਂਗਵੇਜ ਮਾਡਲ, ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਤਿਆਰ ਕਰਨ ਵਿੱਚ ਕੁਝ ਸਮਾਂ ਲੈਂਦਾ ਹੈ। ਅਜਿਹੇ ‘ਚ ਕਈ ਵਾਰ ਯੂਜ਼ਰ ਨੂੰ ਇਸ ਤਰ੍ਹਾਂ ਦੀ ਦੇਰੀ ਪਸੰਦ ਨਹੀਂ ਹੁੰਦੀ। ਯੂਜ਼ਰ ਦੇ ਅਨੁਭਵ ਨੂੰ ਪਹਿਲਾਂ ਨਾਲੋਂ ਬਿਹਤਰ ਬਣਾਉਣ ਲਈ, ਬਾਰਡ ਹੁਣ ਦੋ ਤਰੀਕਿਆਂ ਨਾਲ ਕੰਮ ਕਰੇਗਾ।
ਦੋ ਤਰੀਕਿਆ ਨਾਲ ਦੇਵੇਗਾ ਬਾਰਡ ਜਵਾਬ
Respond once complete : ਇਸ ਆਪਸ਼ਨ ਨੂੰ ਚੁਣਦੇ ਹੋ ਤਾਂ ਪਹਿਲਾਂ ਵਾਂਗ ਜਵਾਬ ਪ੍ਰਾਪਤ ਕਰਨ ਵਿੱਚ ਕੁਝ ਸਮਾਂ ਲੱਗ ਸਕਦਾ ਹੈ। ਤੁਸੀਂ ਬਾਰਡ ਦਾ ਜਵਾਬ ਉਦੋਂ ਹੀ ਸਕਰੀਨ ‘ਤੇ ਦੇਖੋਗੇ ਜਦੋਂ ਇਹ ਪੂਰੀ ਤਰ੍ਹਾਂ ਤਿਆਰ ਹੋਵੇਗਾ।
Respond in real time : ਇਸ ਆਪਸ਼ਨ ਨੂੰ ਚੁਣਦੇ ਹੋ ਤਾਂ ਜਵਾਬਾਂ ਨੂੰ ਪਾਉਣ ’ਚ ਘੱਟ ਸਮੇਂ ਲੱਗੇਗਾ। ਬਾਰਡ ਜਿਵੇਂ ਜਿਵੇਂ ਸਵਾਲ ਦੇ ਜਵਾਬ ’ਚ ਲਾਈਨਾਂ ਲਿਖਦਾ ਜਾਵੇਗਾ ਇਹ ਸਕਰੀਨ ’ਤੇ ਨਜ਼ਰ ਆਈ ਜਾਵੇਗੀ। ਪਹਿਲੇ ਆਪਸ਼ਨ ਤੋਂ ਅਲੱਗ ਇਸ ਆਪਸ਼ਨ ’ਚ ਜਵਾਬ ਨੂੰ ਤਿਆਰ ਹੋਣ ਦੇ ਨਾਲ-ਨਾਲ ਦੇਖਿਆ ਜਾ ਸਕੇਗਾ।
ਰਿਸਪਾਂਸ ਇਨ ਰੀਅਲ ਟਾਈਮ ਫੀਚਰ ਦੇ ਨਾਲ ਯੂਜ਼ਰ ਨੂੰ ਜਵਾਬ ਸਕਿਪ ਕਰਨ ਦੀ ਸਹੂਲਤ ਵੀ ਮਿਲ ਰਹੀ ਹੈ। ਜੇਕਰ ਯੂਜ਼ਰ ਮਹਿਸੂਸ ਕਰਦਾ ਹੈ ਕਿ ਚੈਟਬਾਟ ਸਵਾਲ ਦਾ ਜਵਾਬ ਵੱਖਰੇ ਅਰਥਾਂ ਵਿੱਚ ਦੇ ਰਿਹਾ ਹੈ ਤਾਂ ਜਵਾਬ ਤਿਆਰ ਕਰਦੇ ਸਮੇਂ ਪ੍ਰੋਸੈਸ ਨੂੰ ਅੱਧ ਵਿਚਾਲੇ ਛੱਡਿਆ ਜਾ ਸਕਦਾ ਹੈ।
ਸਕਿਪ ਰਿਸਪਾਂਸ ਬਟਨ ਟੈਕਸਟ ਫੀਲਡ ਦੇ ਉੱਪਰ ਦਿਖਾਈ ਦੇਵੇਗਾ। ਇਹ ਵਿਸ਼ੇਸ਼ਤਾ ਬਾਰਡ ਵਿੱਚ ਮੂਲ ਰੂਪ ਵਿੱਚ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਇਸ ਤਰ੍ਹਾਂ ਕਰੋ ਗੂਗਲ ਬਾਰਡ ਦੀ ਵਰਤੋਂ
ਸਭ ਤੋਂ ਪਹਿਲਾਂ ਗੂਗਲ ਬਾਰਡ ਨੂੰ ਓਪਨ ਕਰਨਾ ਹੋਵੇਗਾ।
ਟਾਪ ਰਾਈਟ ਕਾਰਨਰ ’ਤੇ settings ’ਤੇ ਕਲਿੱਕ ਕਰਨਾ ਹੋਵੇਗਾ।
ਸੈਟਿੰਗ ਮੈਨਿਊ ’ਚ ਯੂਜ਼ਰ ਨੂੰ ਜਵਾਬ ਪਾਉਣ ਲਈ ਦੋਵੇਂ ਆਪਸ਼ਨ ਦਿਖਾਈ ਦੇਣਗੇ।
ਯੂਜ਼ਰ ਆਪਣੀ ਸੁਵਿਧਾ ਦੇ ਅਨੁਸਾਰ ਕਿਸੇ ਵੀ ਇਕ ਆਪਸ਼ਨ ਨੂੰ ਸਿਲੈਕਟ ਕਰ ਸਕਦਾ ਹੈ।
