ਜੇਕਰ ਤੁਸੀਂ ਮੈਟਾ ਦੀ ਮਸ਼ਹੂਰ ਮੈਸੇਜਿੰਗ ਐਪ WhatsApp ਦੀ ਵਰਤੋਂ ਕਰਦੇ ਹੋ ਤਾਂ ਅਸੀਂ ਤੁਹਾਡੇ ਲਈ ਇਕ ਨਵਾਂ ਅਪਡੇਟ ਲੈ ਕੇ ਆਏ ਹਾਂ। ਦਰਅਸਲ ਕੰਪਨੀ ਆਪਣੇ ਯੂਜ਼ਰਜ਼ ਦੀ ਸੁਰੱਖਿਆ ਤੇ ਪ੍ਰਾਈਵੇਸੀ ਲਈ ਇਕ ਨਵਾਂ ਫੀਚਰ ਰੋਲਆਊਟ ਕਰਨ ਜਾ ਰਹੀ ਹੈ। ਵ੍ਹਟਸਐਪ ਯੂਜ਼ਰਜ਼ ਲਈ ਚੈਟ ਲੌਕ (WhatsApp Chat Lock) ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਜ਼ ਹੁਣ ਪਰਸਨਲ ਚੈਟਸ ਨੂੰ ਲੌਕ ਕਰ ਸਕਣਗੇ ਅਤੇ ਉਨ੍ਹਾਂ ਨੂੰ ਸਖਤ ਸੁਰੱਖਿਆ ‘ਚ ਰੱਖ ਸਕਣਗੇ।
ਵ੍ਹਟਸਐਪ ਨੇ ਆਪਣੇ ਬਲਾਗ ਪੋਸਟ ‘ਚ ਕਿਹਾ ਹੈ ਕਿ ਚੈਟ ਲਾਕ ਫੀਚਰ ਨੂੰ ਯੂਜ਼ਰ ਦੀ ਪਰਸਨਲ ਅਤੇ ਇੰਟੀਮੇਟ ਚੈਟ ਦੀ ਸੁਰੱਖਿਆ ਲਈ ਪੇਸ਼ ਕੀਤਾ ਜਾ ਰਿਹਾ ਹੈ। ਆਓ ਜਾਣਦੇ ਹਾਂ ਵਟਸਐਪ ਦਾ ਨਵਾਂ ਫੀਚਰ ਕਿਹੜੇ-ਕਿਹੜੇ ਫੀਚਰਸ ਨਾਲ ਲੈ ਕੇ ਆਇਆ ਹੈ ਅਤੇ ਇਹ ਕਿਵੇਂ ਕੰਮ ਕਰੇਗਾ
ਚੈਟ ਲੌਕ ਫੀਚਰ ਦੀ ਮਦਦ ਨਾਲ ਯੂਜ਼ਰ ਕਿਸੇ ਖਾਸ ਯੂਜ਼ਰ ਜਾਂ ਗਰੁੱਪ ਚੈਟ ਨੂੰ ਲੌਕ ਕਰ ਸਕਣਗੇ।
ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਜ਼ ਨਿਯਮਤ ਚੈਟ ਤੋਂ ਵੱਖਰੇ ਤੌਰ ‘ਤੇ ਆਪਣੇ ਖਾਸ ਕੰਟੈਕਟਸ ਤੇ ਗਰੁੱਪਸ ਨੂੰ ਲਿਸਟ ਕਰ ਸਕਣਗੇ।
- ਚੈਟ ਲੌਕ ਦੀ ਮਦਦ ਨਾਲ ਕਿਸੇ ਖਾਸ ਸੰਪਰਕ ਦੇ ਮੈਸੇਜ ਨੂੰ ਨੋਟੀਫਿਕੇਸ਼ਨ ਪੈਨਲ ਤੋਂ ਲੁਕਾ ਕੇ ਰੱਖਿਆ ਜਾ ਸਕਦਾ ਹੈ।
- ਲੌਕਡ ਚੈਟਸ ਨੂੰ ਲੌਕਡ ਚੈਟਸ ਸੈਕਸ਼ਨ ਵਿਚ ਜੋੜਿਆ ਜਾ ਸਕਦਾ ਹੈ।
- ਚੈਟਸ ਨੂੰ ਬਾਇਓਮੈਟ੍ਰਿਕ, ਪਿੰਨ ਅਤੇ ਪਾਸਵਰਡ ਨਾਲ ਲੌਕ ਕੀਤਾ ਜਾ ਸਕਦਾ ਹੈ।
ਇਸ ਤਰ੍ਹਾਂ ਕਰ ਸਕਦੇ ਹੋ ਤੁਸੀਂ ਚੈਟ ਲੌਕ ਦੀ ਵਰਤੋਂ
- ਚੈਟ ਲੌਕ ਦੀ ਵਰਤੋਂ ਕਰਨ ਲਈ ਵ੍ਹਟਸਐਪ ਨੂੰ ਅਪਡੇਟ ਕਰਨਾ ਜ਼ਰੂਰੀ ਹੋਵੇਗਾ।
- ਟਸਐਪ ਨੂੰ ਅਪਡੇਟ ਕਰਨ ਤੋਂ ਬਾਅਦ ਫੋਨ ‘ਚ ਐਪ ਨੂੰ ਓਪਨ ਕਰਨਾ ਹੋਵੇਗਾ।
- ਜਿਸ ਕੰਟੈਕਟ ਜਾਂ ਗਰੁੱਪ ਦੀ ਚੈਟ ਨੂੰ ਲੌਕ ਕਰਨਾ ਹੈ, ਨੂੰ ਚੈਟ ਸੂਚੀ ਵਿੱਚੋਂ ਚੁਣਨਾ ਹੋਵੇਗਾ।
- ਸੰਪਰਕ ਜਾਂ ਸਮੂਹ ਦੀ ਚੈਟ ਵਿੰਡੋ ਨੂੰ ਖੋਲ੍ਹਣਾ ਹੋਵੇਗਾ।
- ਚੈਟ ਵਿੰਡੋ ‘ਤੇ ਵਿਅਕਤੀ ਜਾਂ ਸਮੂਹ ਦੇ ਨਾਂ ‘ਤੇ ਟੈਪ ਕਰੋ।
- Chat Lock ਫੀਚਰ ਵਿਕਲਪਾਂ ਦੀ ਸੂਚੀ ਵਿੱਚ ਦਿਖਾਈ ਦੇਵੇਗਾ।
- ਫੀਚਰ ਦੀ ਵਰਤੋਂ ਕਰਨ ਲਈ, ਟੌਗਲ ਨੂੰ ਇਨੇਬਲ ਕਰਨਾ ਹੋਵੇਗਾ।
