ਮੈਥ ਬੀਅਰ ਮਾਮਲਾ: ਆਕਲੈਂਡ ਵਿੱਚ 36 ਮਿਲੀਅਨ ਡਾਲਰ ਦੀਆਂ ਜਾਇਦਾਦਾਂ ਜ਼ਬਤ

ਆਕਲੈਂਡ ਦੀ ਚਾਰ ਸੰਪਤੀਆਂ, ਜਿਨ੍ਹਾਂ ਦੀ ਕੀਮਤ ਲਗਭਗ $36 ਮਿਲੀਅਨ ਹੈ, ਪੁਲਿਸ ਨੇ ਫ੍ਰੀਜ਼ ਕਰ ਦਿੱਤੀਆਂ ਹਨ। ਇਹ ਕਾਰਵਾਈ ਉਸ ਜਾਂਚ ਦਾ ਹਿੱਸਾ ਹੈ ਜੋ ਇੱਕ ਜਵਾਨ ਆਦਮੀ ਦੀ ਮੌਤ ਤੋਂ ਬਾਅਦ ਸ਼ੁਰੂ ਹੋਈ ਸੀ, ਜਿਸਨੇ ਅਣਜਾਣੇ ਵਿੱਚ ਮੈਥ ਮਿਲੀ ਹੋਈ ਬੀਅਰ ਪੀ ਲਈ ਸੀ।
ਇਹ ਜਾਂਚ “ਆਪਰੇਸ਼ਨ ਲੈਵੈਂਡਰ” ਦੇ ਨਾਮ ਨਾਲ ਚੱਲ ਰਹੀ ਹੈ, ਜੋ 2023 ਵਿੱਚ 21 ਸਾਲਾ ਐਡਨ ਸਗਾਲਾ ਦੀ ਮੌਤ ਤੋਂ ਬਾਅਦ ਸ਼ੁਰੂ ਹੋਈ। ਸਗਾਲਾ ਨੇ “ਹਨੀ ਹਾਊਸ ਬੀਅਰ” ਦੇ ਡੱਬੇ ਵਿੱਚ ਮਿਲੀ ਤਰਲ ਮੈਥ ਪੀਤੀ ਸੀ, ਜੋ ਉਸਨੂੰ ਹਿਮਤਜੀਤ ਸਿੰਘ ਕਾਹਲੋਂ ਵੱਲੋਂ ਦਿੱਤੀ ਗਈ ਸੀ।
ਜਾਂਚ ਦੌਰਾਨ ਪੁਲਿਸ ਨੇ ਕਈ ਸੌ ਕਿਲੋ ਮੈਥਾਮਫੇਟਾਮਾਈਨ ਅਤੇ ਇਕ ਗੁਪਤ ਲੈਬ ਦਾ ਖੁਲਾਸਾ ਕੀਤਾ। ਇਸਦੇ ਨਾਲ ਹੀ ਕਾਹਲੋਂ ਨੂੰ ਮੈਨਸਲਾਟਰ ਅਤੇ ਡਰੱਗ ਸਪਲਾਈ ਦੇ ਦੋਸ਼ਾਂ ਵਿੱਚ 21 ਸਾਲ ਦੀ ਸਜ਼ਾ ਸੁਣਾਈ ਗਈ, ਜਦਕਿ ਦੂਜੇ ਵਿਅਕਤੀ ਨੂੰ 22 ਸਾਲ ਦੀ ਸਜ਼ਾ ਮਿਲੀ।
ਡਿਟੈਕਟਿਵ ਇੰਸਪੈਕਟਰ ਕ੍ਰਿਸ ਐਲਨ ਨੇ ਕਿਹਾ ਕਿ ਇਹ ਸੰਪਤੀਆਂ ਵਿਟਫੋਰਡ, ਟੋਟਾਰਾ ਹਾਈਟਸ, ਕਰਾਕਾ ਅਤੇ ਬੰਬੇ ਖੇਤਰਾਂ ਵਿੱਚ ਹਨ ਅਤੇ ਇਹ ਮੈਥ ਦੀ ਤਸਕਰੀ ਨਾਲ ਜੁੜੀਆਂ ਹੋਈਆਂ ਹਨ।
ਉਨ੍ਹਾਂ ਕਿਹਾ ਕਿ ਇਹ ਵੱਡੀ ਜ਼ਬਤੀ ਦਿਖਾਉਂਦੀ ਹੈ ਕਿ ਪੁਲਿਸ ਸੰਗਠਿਤ ਅਪਰਾਧ ਨੂੰ ਤੋੜਨ ਅਤੇ ਗੈਰਕਾਨੂੰਨੀ ਧਨ ਦੀ ਵਾਪਸੀ ਲਈ ਕਿੰਨੀ ਗੰਭੀਰ ਹੈ।