ਨਿਊਜ਼ੀਲੈਂਡ ਦੇ Rangataua ਇਲਾਕੇ ਵਿੱਚ ਘਰ ਨੂੰ ਅੱਗ ਲੱਗਣ ਤੋਂ ਬਾਅਦ ਇੱਕ 62 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ ਹੈ, ਜਿਸਨੂੰ ਪੁਲਿਸ ਹੁਣ ਸ਼ੱਕੀ ਹਾਲਾਤਾਂ ਵਿੱਚ ਕਤਲ ਮਾਮਲਾ ਮੰਨ ਰਹੀ ਹੈ।
ਮ੍ਰਿਤਕ ਦੀ ਪਛਾਣ John Alan Seymour ਵਜੋਂ ਹੋਈ ਹੈ, ਜੋ ਆਪਣੇ ਕਾਹਾ ਸਟਰੀਟ ਵਾਲੇ ਘਰ ਵਿੱਚ ਅੱਗ ਬੁਝਣ ਤੋਂ ਬਾਅਦ ਮਿਲੇ। ਪੁਲਿਸ ਦੇ ਅਨੁਸਾਰ ਅੱਗ ਜਾਨਬੁੱਝ ਕੇ ਲਗਾਈ ਗਈ ਹੋ ਸਕਦੀ ਹੈ ਅਤੇ ਇਸ ਸੰਬੰਧ ਵਿੱਚ ਹੋਮੀਸਾਈਡ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਸੇ ਘਟਨਾ ਨਾਲ ਜੁੜੇ ਇੱਕ ਵੱਖਰੇ ਸੜਕ ਹਾਦਸੇ ਵਿੱਚ 35 ਸਾਲਾ Jason Savage ਦੀ ਮੌਤ ਹੋ ਗਈ, ਜੋ ਉਸੇ ਘਰ ਵਿੱਚ ਰਹਿੰਦਾ ਸੀ।
ਪੁਲਿਸ ਮਾਮਲੇ ਦੀ ਗਹਿਰਾਈ ਨਾਲ ਜਾਂਚ ਕਰ ਰਹੀ ਹੈ ਕਿ ਆਖਿਰਕਾਰ ਕਾਹਾ ਸਟਰੀਟ ‘ਤੇ ਕੀ ਵਾਪਰਿਆ।
ਸਥਾਨਕ ਲੋਕਾਂ ਮੁਤਾਬਕ, ਸੇਮੋਰ ਇੱਕ ਦਿਲ ਦੇ ਚੰਗੇ ਅਤੇ ਮਦਦਗਾਰ ਵਿਅਕਤੀ ਸਨ, ਅਤੇ ਇਸ ਘਟਨਾ ਨੇ ਪੂਰੇ ਛੋਟੇ ਭਾਈਚਾਰੇ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।
Add Comment