ਰੋਟੋਰੂਆ ‘ਚ ਨਵੀਂ ਸ਼ਰਾਬ ਦੀ ਦੁਕਾਨ ਲਈ ਅਰਜ਼ੀ ਰੱਦ, 732 ਵਿਰੋਧਾਂ ਤੋਂ ਬਾਅਦ ਸ਼ਰਾਬ ਦੀ ਦੁਕਾਨ ਨੂੰ ਨਾ ਮਿਲਿਆ ਲਾਇਸੈਂਸ

ਰੋਟੋਰੂਆ ਸ਼ਹਿਰ ਦੇ ਕੇਂਦਰ ਵਿੱਚ ਨਵੀਂ ਸ਼ਰਾਬ ਦੀ ਦੁਕਾਨ ਖੋਲ੍ਹਣ ਦੀ ਅਰਜ਼ੀ ਰੱਦ ਕਰ ਦਿੱਤੀ ਗਈ ਹੈ ਕਿਉਂਕਿ ਇਸ ਨਾਲ ਸ਼ਰਾਬ ਨਾਲ ਜੁੜੇ ਨੁਕਸਾਨ ਅਤੇ ਗਲਤ ਵਰਤਾਅ ਵੱਧਣ ਦਾ ਖਤਰਾ ਮੰਨਿਆ ਗਿਆ।
ਰਾਹੁਲ ਸੇਠੀ ਵੱਲੋਂ ਦਿੱਤੀ ਗਈ ਅਰਜ਼ੀ ਨੂੰ ਸਥਾਨਕ ਕੌਂਸਲ ਦੀ ਲਾਇਸੈਂਸਿੰਗ ਕਮੇਟੀ ਨੇ ਅਗਸਤ ਵਿੱਚ ਰੱਦ ਕੀਤਾ। ਪੁਲਿਸ ਅਤੇ ਸਿਹਤ ਵਿਭਾਗ ਸਮੇਤ 732 ਲੋਕਾਂ ਨੇ ਇਸਦਾ ਵਿਰੋਧ ਕੀਤਾ ਸੀ।
ਕਮੇਟੀ ਨੇ ਕਿਹਾ ਕਿ ਰੋਟੋਰੂਆ ਦੇ ਸੈਂਟਰ ਵਿੱਚ ਪਹਿਲਾਂ ਹੀ ਕਈ ਬੋਤਲ ਸਟੋਰ ਹਨ ਅਤੇ ਨਵੀਂ ਦੁਕਾਨ ਕਮੇਊਨਿਟੀ ਲਈ ਫਾਇਦੇਮੰਦ ਨਹੀਂ ਹੋਵੇਗੀ। ਸਥਾਨਕ ਵਪਾਰੀਆਂ ਨੇ ਸ਼ਰਾਬੀ ਹੰਗਾਮਿਆਂ, ਜਨਤਕ ਪੇਸ਼ਾਬ ਅਤੇ ਲੜਾਈਆਂ ਬਾਰੇ ਗੰਭੀਰ ਚਿੰਤਾਵਾਂ ਜਤਾਈਆਂ।